(9/3/2010) A compañía Artello-Teatro Alla Scala 1:5 presenta este mércores 10 e xoves 11 ás 11 horas no Auditorio de Galicia Polgariño, dentro do Ciclo Concertos Didácticos, dedicados aos escolares.
-
11:00 | Auditorio de Galicia
Artello Teatro Alla Scala 1:5 ofrece 'Polgariño'Na pequena cabana do bosque onde vive unha familia de leñadores avecíñanse dificultades: unha enfermidade impídelle ao pai ir traballar. Os pais queren manter os seus cinco fillos alleos a esta situación, mais Polgariño, o máis pequeno, é observador e advirte as desgrazas que ameazan os seus.
-
19:30 | Fundación Caixa Galicia
'Buscando a Hilary', de Elise Varela Compañía de Blanca Marsillach
Nesta comedia cínica, Hilary, avogada de éxito que ronda os corenta, está estancada nun punto decisivo da súa vida. Ela sospeita que existe unha maneira mellor de vivir e que xusto non pode ser como até agora.
-
21:00 | Teatro Principal
Toméo Vergès en Teatro e Danza en Xira 2010 con 'Idiotas' Cie Man Drake-Toméo Vergés
Teatro e Danza en Xira trae esta obra do prestixioso coreógrafo catalán Toéo Vergès, afincado desde hai tres décadas en Francia. Desde alí chega esta peza experimetal a cabalo entre o teatro e a danza.
-
21:30 | Cineclube de Compostela
'Pouco a pouco' no Cineclube Compostela Jean Rouch
No seu ciclo sobre etnoloxía invertida, o Cineclube Compostela aborda este tema con este filme do francés Jean Rouch, no que trata as exóticas formas de vivir de Francia e dos parisinos.
Inauguración da exposición 'María Xosé Díaz, 1980-2010'
11/03/2010 O Auditorio de Galicia inaugura esta exposición retrospectiva sobre os trinta anos na arte desta creadora galega. Antonio Garrido Moreno é o comisario dunha mostra ue permanecerá aberta ata o 20 de xuño.
Alexandre Ghindin no ciclo de piano Ángel Brage
12/03/2010 O pianista Alexander Ghindin recupera as obras dalgúns dos compositores rusos máis notables do cambio de século XIX ao XX no terceiro concerto do ciclo de piano Ángel Brage.
Roi Casal no ciclo Sons da Diversidade
13/03/2010 Roi Casal recolle, revisa e redefine as lendas douradas da cultura galega no seu primeiro traballo en solitario, Lendas douradas, que presenta en directo no quinto concerto do ciclo 2009-2010 de Sons da Diversidade.
Danza espectacular cos Cosacos do Don
14/03/2010 Un ballet con oitenta compoñentes que funde lenda e tradición coa máis depurada calidade artística nunha actuación espectacular. Atención ao cambio de hora: a actuación será ás 18.30 h
Consulta a axenda
Cal das propostas do ciclo Teatro e Danza en Xira 2010 che parece máis interesante?
A Zona "C" leva xa tres anos aberta á cultura. É unha aposta da Concellería de Cultura e Centros Socioculturais para promover a creación de vangarda e aos novos artistas, cunha sala situada nunha área de referencia desde o punto de vista artístico, xunto ao Museo do Pobo Galego e o CGAC. A Zona "C" é unha sala flexíbel que permite aos novos artistas da cidade intervir nun lugar cargado de historia. En tres anos pasaron polos seus 120 m² as creacións de Suso Fandiño, Mauro Trastoy, Santi Jiménez, Rita Rodríguez, Amaya González, Sara Fuentes, Montse Rego, Jesús Madriñán ou Antía Moure, ademais de acoller concertos, teatro e de danza. Un espazo vivo para unha cidade que quere ser foco creador e capital cultural permanente.
Destaques
'Idiotas' de Toméo Vergés, entre o teatro e a danza
Desde a súa creación en 1992 polo coreógrafo catalán Toméo Vergès, a Compañía Man Drake mantén un traballo artístico na fronteira entre o teatro e a danza, e un e outra se contamina nun continuo estado de fricción. De novo volve ocorrer en Idiotas, o espectáculo que a compañía presenta o 10 de marzo ás 21 horas no Teatro Principal dentro do ciclo Teatro e Danza en Xira 2010.
Seguir lendo
O catálogo dixital dos novos artistas
O VI Premio Auditorio de Galicia para novos artistas volveu cumprir o seu obxectivo de botar luz sobre algunhas das mentes máis creativas do panorama artístico galego máis novo. Agora as obras dos 35 artistas seleccionados reúnense no catálogo da exposición. Un catálogo que se presenta en formato dixital para facilitar o seu manexo e permitir un achegamento máis completo a todas as obras.
Seguir lendo
A tradición vestida de pop de Roi Casal
Sons da Diversidade presenta un dos músicos galegos con mellor presente e futuro: Roi Casal. Levará ao directo o seu disco Lendas douradas, no que unha ducia de cancións que mesturan sons que levan en Galicia dende antes da Idade Media, como o da zanfona e o da arpa, con matices pop do século XXI. A calidade das composicións e a perfecta interpretación e posta en escena dos temas caracterizan un concerto no que se fusionan tradición e modernidade.
Seguir lendo© Concellaría de Cultura. Concello de Santiago de Compostela, 2008