Compostela cultura

Inicio | Mapa web | Contacto
Axudanos a completar a axenda cultural

Calendario

« 2010 »
« xullo »
LMMXVSD
1234
567891011
12131415161718
19202122232425
262728293031
Ver toda a semana
Escolle os eventos que máis che interesan clicando nas celas temáticas:










Axenda: Venres, 16 de xullo de 2010
  • 'Entre a razón e a pel', de Nuria Ruibal

    Zona C

    'Entre a razón e a pel', de Nuria Ruibal

    Procedente da selección de proxectos froito do convenio de colaboración co Máster de Arte Museoloxía e Crítica Contemporáneas da USC, "Entre a razón e a pel" é unha instalación da artista Nuria Ruibal comisariada por Ana Amado. Un percorrido que fala da vulnerabilidade do ser humano e o seu eu máis íntimo e das barreiras das que dispón para defenderse e relacionarse co mundo exterior; a temida é a vez desexada mirada do outro.

  • Mostra de Carlos Pardo

    Sala Arquinatura

    Mostra de Carlos Pardo

    A mostra componse de óleos e acrílicos sobre lenzo e táboa nos que a Ciudade é protagonista. É unha escolla de obras dos últimos anos do pintor vilagarcián. Paisaxes urbanas non reais nas que se sedimentan elementos de cidades visitadas e imaxinadas, quizais soñadas pero cunha alma única feminina.

  • Biblioteca na Rúa

    Actividades nas rúas de Compostela

    Biblioteca na Rúa

    Grazas á colaboración das Concellerías de Cultura e a de Medio Ambiente do Concello de Santiago coa Biblioteca Ánxel Casal, dependente da Xunta de Galicia, a biblioteca pode difundir a súa existencia na propia rúa, máis próxima aos posíbeis usuarios. Unha persoa pertencente á Biblioteca dará información á xente que se achegue ao posto de Parques e Xardíns sobre o funcionamento da Biblioteca, faralles o carné aos interesados ou interesadas (incluso lles sacará a foto se non a teñen) e entregaralles folletos informativos. Acompañando o traballador haberá unha pequena representación do fondo que posúe a Ánxel Casal: novidades e clásicos de adultos e infantís en diferentes soportes. O persoal da biblioteca estará de 10 a 14 h., o resto do tempo que Parques e Xardíns teña aberta a caseta só se poderán coller os folletos e ver os libros.

  • Os Portais

    Hostal dos Reis Católicos

    Os Portais

    Tres nomes brasileiros, Christina Oiticica, Paulo Coelho e Romero Britto, unidos baixo un único lema. Os Portais é a exposición que reúne dous grandes artistas da arte contemporánea e un da literatura como parte da conmemoración do Ano Xacobeo.

  • Outumuro Looks: 20 anos fotografando moda

    Auditorio de Galicia

    Outumuro Looks: 20 anos fotografando moda

    A exposición 'Outumuro Looks', é unha mostra procedente do Museu Textil i d’Indumentaria - Disseny Hub de Barcelona que recolle os últimos 20 anos da traxectoria profesional e artística do fotógrafo ourensán Manuel Outumuro.

  • A vida está na auga

    Centro Comercial Area Central

    A vida está na auga

    A ONG Intervida amosa as dificultades que existen en África para acceder á auga potábel a través da exposición A vida está na auga. A mostra componse de oito paneis que conteñen información co obxectivo de sensibilizar a poboación sobre os problemas de escaseza e de calidade da auga que existen en países como Malí, onde moitas persoas consumen auga contaminada de ríos e pozos poñendo en perigo a súa saúde.

  • Campamento Nanonasa

    10:00 - 12:00 | Sala NASA

    Campamento Nanonasa

    Nanonasa contará con varias actividades dirixidas a promover a creatividade dos cativos e cativas, que traballarán divididos en grupos segundo a súa idade. Así, o obradoiro de música centrarase fundamentalmente na construción de instrumentos musicais inventados e na elaboración de contos musicais e o de teatro traballará co corpo, o movemento, a voz, os obxectos en escena e a creación de personaxes.

  • Interiores do Vía Stellae. Fotografías de Fuco Reyes

    11:00 - 14:00 | Aula Sociocultural Caixa Galicia

    Interiores do Vía Stellae. Fotografías de Fuco Reyes

    Exposición do fotógrafo compostelán Fuco Reyes enmarcada na programación do Ano Xacobeo 2010.

  • Obradoiros de pasarrúas: os aderezos dos disfraces

    novo 11:30 - 13:30 | Arteria Noroeste

    Obradoiros de pasarrúas: os aderezos dos disfraces

    Para nenas e nenos de 5 a 15 anos. Ao longo de diversas xornadas, Arteria Noroeste ofrece unha serie de obradoiros enmarcados no programa Vive o Verán. As inscricións débense facer no Centro Sociocultural O Ensanche.

  • Bibliopiscina

    17:00 - 20:30 | Pavillón Multiusos Fontes do Sar

    Bibliopiscina

    Libros, bandas deseñadas, guías, álbums para os pequenos, libros de entretemento... O verán é tempo de calor, sol e piscina, e tempo tamén de gozar de refrescantes lecturas de lecer nunha actividade enmarcada no programa Vive o Verán.

  • Observando o ceo: o Sistema Solar

    novo 18:00 | Varios espazos

    Observando o ceo: o Sistema Solar

    Achegámonos á astronomía en actividades guiadas por especialistas nas que tentaremos descubrir as marabillas que se agochan no noso universo. A partir as 18 horas, a rúa Berlín (en Fontiñas) transformarase nunha reprodución a escala do noso sistema planetario para amosar A pegada dos planetas. Ás 22 horas, na terraza do CSC da Trisca, haberá unha observación do Sistema Solar (aforo limitado).

  • Recital de fortepiano dedicado a Haydn a cargo de Patricia Rejas

    novo 18:00 | Igrexa de Santa María do Camiño

    Recital de fortepiano dedicado a Haydn a cargo de Patricia Rejas

    Dentro da programación do Via Stellae Express, este concerto está dedicado ao pai do Clasicismo, Joseph Haydn e as súas sonatas para teclado, cuxa interpretación será feita nun instrumento de época, un fortepiano. A selección inclúe dúas das máis de sesenta sonatas compostas por Haydn. Protagonista do concerto é a leonesa Patricia Rejas, formada en París co prestixioso fortepianista Patrick Cohen e actualmente afincada en Vigo onde é mestra no Conservatorio Superior de Música. Patricia Rejas tocará un fortepiano copia dun fabricado por Stein en 1780 realizada por Jacques Braux.

  • Agrippina, ópera de Haendel

    novo 20:00 | Teatro Principal

    Agrippina, ópera de Haendel Fabio Biondi

    Via Stellae estrea en Galiza a ópera Agrippina de Haendel, a cargo do director de escena italiano Davide Lievermore e da compañía italiana de teatro de sombras Controluce nunha nova creación que, no musical, conta coas máximas garantías. A presenza da agrupación italiana Europa Galante, a dirección de Fabio Biondi (que volven ao festival catro anos despois de inaugurar a primeira edición do Via Stellae) e un elenco de primeirísimo nivel internacional encabezado pola mezzosoprano barroca máis en forma do momento, a sueca Ann Hallenberg.

  • Pregón das Festas do Apóstolo

    novo 23:00 | Praza do Obradoiro

    Pregón das Festas do Apóstolo Yolanda Castaño e Jorge Mira

    Dende os balcóns do Pazo de Raxoi, pregón das festas a cargo de Yolanda Castaño e Jorge Mira.

  • Concerto de Melendi e Martynez

    novo 23:30 | Praza do Obradoiro

    Concerto de Melendi e Martynez

    Embarcado na xira ''Curiosa la cara de tu padre'', Melendi chega a Compostela no momento máis doce da súa carreira. O cantante de Oviedo participa no programa de concertos 40 en XCB que organizan a cadea 40 Principales e Xacobeo. A banda viguesa Martynez será a encargada de ir quecendo o ambiente co seu rock de guitarras potentes, contundencia rítmica e melodías directas.

O que vai vir
  • Palmarés Curtocircuíto 2010 12/08/2010 Este xoves poderemos ver as curtas gañadoras do último festival Curtocircuito. Velaí van os títulos...
  • La Otrabanda 17/08/2010 La Otrabanda é un proxecto musical integrado por venezolanos vivindo no exterior, creado para compartir as súas cancións, inspiradas pola música popular e folclórica venezolana, que reflexan a actual idiosincrasia dese país de forma fresca e optimista.
  • Mine Kawakami 24/08/2010 A prestixiosa pianista e compositora Mine Kawakami fai a súa particular peregrinación polo Camiño de Santiago cunha serie de concertos inspirados na Ruta Xacobea.
  • Xoán Curiel Cuarteto 12/08/2010 Xoán Curiel reuniu as súas creacións en lingua galega no álbum 'Nai'. Nel Curiel canta á figura da nai e á terra.
  • In Reverse 17/08/2010 De formación recente, o cuarteto In Reverse nace coa motivación de explorar os ritmos funk e soul desde os seus inicios ata os nosos días, mesturando estes con elementos do jazz, estilo común para os catro músicos.

No cinema
Exposicións