Compostela cultura

Inicio | Mapa web | Contacto
Axudanos a completar a axenda cultural

Calendario

« 2010 »
« xullo »
LMMXVSD
1234
567891011
12131415161718
19202122232425
262728293031
Ver toda a semana
Escolle os eventos que máis che interesan clicando nas celas temáticas:










Axenda: Domingo, 18 de xullo de 2010
  • 'Entre a razón e a pel', de Nuria Ruibal

    Zona C

    'Entre a razón e a pel', de Nuria Ruibal

    Procedente da selección de proxectos froito do convenio de colaboración co Máster de Arte Museoloxía e Crítica Contemporáneas da USC, "Entre a razón e a pel" é unha instalación da artista Nuria Ruibal comisariada por Ana Amado. Un percorrido que fala da vulnerabilidade do ser humano e o seu eu máis íntimo e das barreiras das que dispón para defenderse e relacionarse co mundo exterior; a temida é a vez desexada mirada do outro.

  • Mostra de Carlos Pardo

    Sala Arquinatura

    Mostra de Carlos Pardo

    A mostra componse de óleos e acrílicos sobre lenzo e táboa nos que a Ciudade é protagonista. É unha escolla de obras dos últimos anos do pintor vilagarcián. Paisaxes urbanas non reais nas que se sedimentan elementos de cidades visitadas e imaxinadas, quizais soñadas pero cunha alma única feminina.

  • Biblioteca na Rúa

    Actividades nas rúas de Compostela

    Biblioteca na Rúa

    Grazas á colaboración das Concellerías de Cultura e a de Medio Ambiente do Concello de Santiago coa Biblioteca Ánxel Casal, dependente da Xunta de Galicia, a biblioteca pode difundir a súa existencia na propia rúa, máis próxima aos posíbeis usuarios. Unha persoa pertencente á Biblioteca dará información á xente que se achegue ao posto de Parques e Xardíns sobre o funcionamento da Biblioteca, faralles o carné aos interesados ou interesadas (incluso lles sacará a foto se non a teñen) e entregaralles folletos informativos. Acompañando o traballador haberá unha pequena representación do fondo que posúe a Ánxel Casal: novidades e clásicos de adultos e infantís en diferentes soportes. O persoal da biblioteca estará de 10 a 14 h., o resto do tempo que Parques e Xardíns teña aberta a caseta só se poderán coller os folletos e ver os libros.

  • Os Portais

    Hostal dos Reis Católicos

    Os Portais

    Tres nomes brasileiros, Christina Oiticica, Paulo Coelho e Romero Britto, unidos baixo un único lema. Os Portais é a exposición que reúne dous grandes artistas da arte contemporánea e un da literatura como parte da conmemoración do Ano Xacobeo.

  • Outumuro Looks: 20 anos fotografando moda

    Auditorio de Galicia

    Outumuro Looks: 20 anos fotografando moda

    A exposición 'Outumuro Looks', é unha mostra procedente do Museu Textil i d’Indumentaria - Disseny Hub de Barcelona que recolle os últimos 20 anos da traxectoria profesional e artística do fotógrafo ourensán Manuel Outumuro.

  • A vida está na auga

    Centro Comercial Area Central

    A vida está na auga

    A ONG Intervida amosa as dificultades que existen en África para acceder á auga potábel a través da exposición A vida está na auga. A mostra componse de oito paneis que conteñen información co obxectivo de sensibilizar a poboación sobre os problemas de escaseza e de calidade da auga que existen en países como Malí, onde moitas persoas consumen auga contaminada de ríos e pozos poñendo en perigo a súa saúde.

  • Campamento Nanonasa

    10:00 - 12:00 | Sala NASA

    Campamento Nanonasa

    Nanonasa contará con varias actividades dirixidas a promover a creatividade dos cativos e cativas, que traballarán divididos en grupos segundo a súa idade. Así, o obradoiro de música centrarase fundamentalmente na construción de instrumentos musicais inventados e na elaboración de contos musicais e o de teatro traballará co corpo, o movemento, a voz, os obxectos en escena e a creación de personaxes.

  • Actos co gallo da presentación do filme 'O Apóstolo'

    novo 11:00 - 14:00 | Actividades nas rúas de Compostela

    Actos co gallo da presentación do filme 'O Apóstolo'

    Con motivo da presentación d'O Apóstolo, prográmanse diversas actividades de celebración nas rúas da cidade e mais no Auditorio de Galicia.

  • Concerto da Banda Municipal de Música

    novo 12:00 | Rúa do Vilar

    Concerto da Banda Municipal de Música

    A Banda Municipal de Música, dirixida por X. C. Seráns, ofrece un novo concerto dominical na Rúa do Vilar correspondente á súa programación de verán, Música na rúa.

  • Os nosos compositores: Yortog, a obra de Octavio Vázquez

    novo 12:30 | Centro Galego de Arte Contemporánea (CGAC)

    Os nosos compositores: Yortog, a obra de Octavio Vázquez

    Dentro da programación do Via Stellae 20/21, Enrique Pérez Piquer e Aníbal Bañados Lira interpretan Yorgot e estrean mundialmente a Sonata para clarinete e piano do compositor galego Octavio Vázquez. Completa o programa a Sonata para clarinete en mi bemol maior op 120 nº 2 de Johannes Brahms.

  • Bibliopiscina

    17:00 - 20:30 | Pavillón Multiusos Fontes do Sar

    Bibliopiscina

    Libros, bandas deseñadas, guías, álbums para os pequenos, libros de entretemento... O verán é tempo de calor, sol e piscina, e tempo tamén de gozar de refrescantes lecturas de lecer nunha actividade enmarcada no programa Vive o Verán.

  • Xogos populares na Alameda

    novo 17:00 | Actividades nas rúas de Compostela

    Xogos populares na Alameda

    Unha tarde de xogos para adultos, nenos e maiores na que gozaremos do feito de participar en actividades colectivas, coñecer a xente e aprender novas formas activas e saudábeis de divertírmonos todos. Haberá xogos de sempre no paseo central do parque da Alameda e ademais un Scalextric xigante para xente de diferentes idades e xeracións. Forma parte do programa Vive o Verán.

  • 'Os moitos camiños de Santiago'

    novo 18:00 | Hostal dos Reis Católicos

    'Os moitos camiños de Santiago'

    Dentro da programación do Festival Via Stellae 2010, a soprano Soledad Cardoso e José Miguel Moreno ofrecen un concerto na capela do Hostal dos Reis Católicos.

  • Especial 25 aniversario de Títeres Cachirulo

    novo 18:00 | Praza do Toural

    Especial 25 aniversario de Títeres Cachirulo

    Dentro da programación das Festas do Apóstolo, a compañía ofrece un espectáculo especial para todos os públicos con motivo do seu 25 aniversario.

  • 'Missa Sancti Jacobi', con Odhecaton

    novo 20:30 | Igrexa das Ánimas

    'Missa Sancti Jacobi', con Odhecaton Paolo da Col

    O grupo de polifonía italiano Odecathon participa no Via Stellae coa interpretación da Missa Sancti Jacobi de Guillaume Dufay.

  • Xornadas de folclore galego

    novo 22:00 | Praza da Quintana

    Xornadas de folclore galego

    Continúan as xornadas dedicadas ao noso folclore que teñen lugar na Praza da Quintana durante as Festas do Apóstolo 2010.

O que vai vir
  • Palmarés Curtocircuíto 2010 12/08/2010 Este xoves poderemos ver as curtas gañadoras do último festival Curtocircuito. Velaí van os títulos...
  • La Otrabanda 17/08/2010 La Otrabanda é un proxecto musical integrado por venezolanos vivindo no exterior, creado para compartir as súas cancións, inspiradas pola música popular e folclórica venezolana, que reflexan a actual idiosincrasia dese país de forma fresca e optimista.
  • Mine Kawakami 24/08/2010 A prestixiosa pianista e compositora Mine Kawakami fai a súa particular peregrinación polo Camiño de Santiago cunha serie de concertos inspirados na Ruta Xacobea.
  • Xoán Curiel Cuarteto 12/08/2010 Xoán Curiel reuniu as súas creacións en lingua galega no álbum 'Nai'. Nel Curiel canta á figura da nai e á terra.
  • In Reverse 17/08/2010 De formación recente, o cuarteto In Reverse nace coa motivación de explorar os ritmos funk e soul desde os seus inicios ata os nosos días, mesturando estes con elementos do jazz, estilo común para os catro músicos.

No cinema
Exposicións