Compostela cultura

Inicio | Mapa web | Contacto
Axudanos a completar a axenda cultural

Calendario

« 2010 »
« xullo »
LMMXVSD
1234
567891011
12131415161718
19202122232425
262728293031
Ver toda a semana
Escolle os eventos que máis che interesan clicando nas celas temáticas:










Axenda: Mércores, 21 de xullo de 2010
  • 'Entre a razón e a pel', de Nuria Ruibal

    Zona C

    'Entre a razón e a pel', de Nuria Ruibal

    Procedente da selección de proxectos froito do convenio de colaboración co Máster de Arte Museoloxía e Crítica Contemporáneas da USC, "Entre a razón e a pel" é unha instalación da artista Nuria Ruibal comisariada por Ana Amado. Un percorrido que fala da vulnerabilidade do ser humano e o seu eu máis íntimo e das barreiras das que dispón para defenderse e relacionarse co mundo exterior; a temida é a vez desexada mirada do outro.

  • Mostra de Carlos Pardo

    Sala Arquinatura

    Mostra de Carlos Pardo

    A mostra componse de óleos e acrílicos sobre lenzo e táboa nos que a Ciudade é protagonista. É unha escolla de obras dos últimos anos do pintor vilagarcián. Paisaxes urbanas non reais nas que se sedimentan elementos de cidades visitadas e imaxinadas, quizais soñadas pero cunha alma única feminina.

  • Biblioteca na Rúa

    Actividades nas rúas de Compostela

    Biblioteca na Rúa

    Grazas á colaboración das Concellerías de Cultura e a de Medio Ambiente do Concello de Santiago coa Biblioteca Ánxel Casal, dependente da Xunta de Galicia, a biblioteca pode difundir a súa existencia na propia rúa, máis próxima aos posíbeis usuarios. Unha persoa pertencente á Biblioteca dará información á xente que se achegue ao posto de Parques e Xardíns sobre o funcionamento da Biblioteca, faralles o carné aos interesados ou interesadas (incluso lles sacará a foto se non a teñen) e entregaralles folletos informativos. Acompañando o traballador haberá unha pequena representación do fondo que posúe a Ánxel Casal: novidades e clásicos de adultos e infantís en diferentes soportes. O persoal da biblioteca estará de 10 a 14 h., o resto do tempo que Parques e Xardíns teña aberta a caseta só se poderán coller os folletos e ver os libros.

  • Os Portais

    Hostal dos Reis Católicos

    Os Portais

    Tres nomes brasileiros, Christina Oiticica, Paulo Coelho e Romero Britto, unidos baixo un único lema. Os Portais é a exposición que reúne dous grandes artistas da arte contemporánea e un da literatura como parte da conmemoración do Ano Xacobeo.

  • Outumuro Looks: 20 anos fotografando moda

    Auditorio de Galicia

    Outumuro Looks: 20 anos fotografando moda

    A exposición 'Outumuro Looks', é unha mostra procedente do Museu Textil i d’Indumentaria - Disseny Hub de Barcelona que recolle os últimos 20 anos da traxectoria profesional e artística do fotógrafo ourensán Manuel Outumuro.

  • A vida está na auga

    Centro Comercial Area Central

    A vida está na auga

    A ONG Intervida amosa as dificultades que existen en África para acceder á auga potábel a través da exposición A vida está na auga. A mostra componse de oito paneis que conteñen información co obxectivo de sensibilizar a poboación sobre os problemas de escaseza e de calidade da auga que existen en países como Malí, onde moitas persoas consumen auga contaminada de ríos e pozos poñendo en perigo a súa saúde.

  • Campamento Nanonasa

    10:00 - 12:00 | Sala NASA

    Campamento Nanonasa

    Nanonasa contará con varias actividades dirixidas a promover a creatividade dos cativos e cativas, que traballarán divididos en grupos segundo a súa idade. Así, o obradoiro de música centrarase fundamentalmente na construción de instrumentos musicais inventados e na elaboración de contos musicais e o de teatro traballará co corpo, o movemento, a voz, os obxectos en escena e a creación de personaxes.

  • Tai Chi e Chi Kung

    10:00 - 11:00 | Parque de Bonaval

    Tai Chi e Chi Kung

    Sesión de técnicas de relaxación e exercicio físico tradicionais chinesas ao ar libre. Forma parte do programa Vive o Verán.

  • Ximnasia terapéutica na Alameda

    10:00 - 11:00 | Actividades nas rúas de Compostela

    Ximnasia terapéutica na Alameda

    Exercicio para todos os públicos dentro da programación Vive o Verán 2010. No caso de chuvia, trasládase ao Centro Sociocultural do Ensanche.

  • Interiores do Vía Stellae. Fotografías de Fuco Reyes

    11:00 - 14:00 | Aula Sociocultural Caixa Galicia

    Interiores do Vía Stellae. Fotografías de Fuco Reyes

    Exposición do fotógrafo compostelán Fuco Reyes enmarcada na programación do Ano Xacobeo 2010.

  • Obradoiro medioambiental: Sementando na horta de Belvís

    novo 11:00 - 13:00 | Parque de Belvís

    Obradoiro medioambiental: Sementando na horta de Belvís

    Obradoiros medioambientais incluídos na programación Vive o Verán. A rapazada de 5 a 11 anos iniciarase no cultivo nas hortas do parque de Belvís.

  • Curso intensivo de háppening na rúa

    17:00 - 21:00 | Circonove

    Curso intensivo de háppening na rúa Antón Coucheiro

    Antón Coucheiro imparte un curso de 20 horas sobre háppening, disciplina que consiste en facer espectáculos na rúa, procedente das performances e do living theatre dos anos 60.

  • Bibliopiscina

    17:00 - 20:30 | Pavillón Multiusos Fontes do Sar

    Bibliopiscina

    Libros, bandas deseñadas, guías, álbums para os pequenos, libros de entretemento... O verán é tempo de calor, sol e piscina, e tempo tamén de gozar de refrescantes lecturas de lecer nunha actividade enmarcada no programa Vive o Verán.

  • Tardedarte: obradoiro de danza

    novo 18:00 - 22:00 | Parque de Bonaval

    Tardedarte: obradoiro de danza

    Unha tarde para espertar o espírito creativo. Dentro do programa Vive o Verán, no marco do Parque de Bonaval (no CSC das Fontiñas no caso de que chova), desenvólvese un obradoiro de iniciación á danza. De 18 a 20 horas para nenas e nenos e a partir das 20 horas para mozas e mozos. Esta semana os obradoiros artísticos serán de danza oriental-Bollywood e estarán impartidos pola bailarina Iria Lugilde.

  • novo 18:00 | Colexiata do Sar

    Plamen Velev interpreta a Cuarta suite para violoncello de Bach

    O cellista Plamen Velev presentará unha das fantásticas suites para violoncello de Johann Sebastian Bach, neste caso a número 4 do total de seis que escribiu o mestre barroco alemán. Continúa así a interpretación integral desas suites que Plamen Velev vén ofrecendo dende hai tres anos nestes concertos express do Via Stellae.

  • 'Good Cats' e '24 City', cinema chinés no CGAC

    novo 20:00 - 00:45 | Centro Galego de Arte Contemporánea (CGAC)

    'Good Cats' e '24 City', cinema chinés no CGAC Ying Liang e Jia Zangke

    Dentro do ciclo de cinema chinés contemporáneo que se está a proxectar no CGAC, este serán poderanse ver Good Cats, de Ying Liang, e 24 City, dirixido por Jia Zangke.

  • 'Where shall I fly', arias de ópera de Haendel e Vivaldi

    novo 20:00 | Teatro Principal

    'Where shall I fly', arias de ópera de Haendel e Vivaldi

    A contralto Marie-Nicole Lemieux, acompañada da Orquestra Barroca de Venecia, dirixida por Andrea Marconi, interpreta arias de ópera de Haendel e de Vivaldi, dentro da programación do Festival Via Stellae.

  • 'Almorzo con diamantes' en Clásicos á rúa!

    novo 22:30 | San Martiño Pinario

    'Almorzo con diamantes' en Clásicos á rúa! Blake Edwards

    Proxección dentro do programa Vive o Verán. Narra as aventuras dunha rapaza de provincias, Holly Golightly, na inmensa cidade de Nova York. Proxéctase este mércores despois de que a sesión prevista para o pasado xoves se suspendese pola chuvia.

  • Tradición e vangarda con Nova Galega de Danza

    novo 23:00 | Praza da Quintana

    Tradición e vangarda con Nova Galega de Danza

    Fusionan a tradición do baile e a música galega coa máis pura vangarda, para ofrecer espectáculos contemporáneos e con clara vocación universal. Son os integrantes de Nova Galega de Danza, unha compañía que se converteu nun grupo pioneiro en Galiza. Agora a compañía súmase ao Camiño das Artes Escénicas para amosar da man de Xacobeo 2010 o seu terceiro traballo, "Tradicción".

  • Noites de bossa nova con Héctor Lorenzo

    23:00 | Bar Ultramarinos

    Noites de bossa nova con Héctor Lorenzo Ultramarinos

    Héctor Lorenzo será o anfitrión das noites dos mércores, nas que fundamentalmente se escoitará música brasileira, aínda que tamén haberá cabida para versión, jazz e temas de autor.

  • Mavra froudia: Creta e Oriente na sesión golfa do Off Stellae

    novo 23:00 | Praza de Abastos

    Mavra froudia: Creta e Oriente na sesión golfa do Off Stellae

    Música no mercado até a medianoite a cargo dos músicos Efrén López, Stelios Petrakis e Bijan Chemirani, que nos traerán sons do Mediterráneo oriental.

O que vai vir
  • Palmarés Curtocircuíto 2010 12/08/2010 Este xoves poderemos ver as curtas gañadoras do último festival Curtocircuito. Velaí van os títulos...
  • La Otrabanda 17/08/2010 La Otrabanda é un proxecto musical integrado por venezolanos vivindo no exterior, creado para compartir as súas cancións, inspiradas pola música popular e folclórica venezolana, que reflexan a actual idiosincrasia dese país de forma fresca e optimista.
  • Mine Kawakami 24/08/2010 A prestixiosa pianista e compositora Mine Kawakami fai a súa particular peregrinación polo Camiño de Santiago cunha serie de concertos inspirados na Ruta Xacobea.
  • Xoán Curiel Cuarteto 12/08/2010 Xoán Curiel reuniu as súas creacións en lingua galega no álbum 'Nai'. Nel Curiel canta á figura da nai e á terra.
  • In Reverse 17/08/2010 De formación recente, o cuarteto In Reverse nace coa motivación de explorar os ritmos funk e soul desde os seus inicios ata os nosos días, mesturando estes con elementos do jazz, estilo común para os catro músicos.

No cinema
Exposicións