Compostela cultura

Inicio | Mapa web | Contacto
Axudanos a completar a axenda cultural

Calendario

« 2010 »
« xullo »
LMMXVSD
1234
567891011
12131415161718
19202122232425
262728293031
Ver toda a semana
Escolle os eventos que máis che interesan clicando nas celas temáticas:










Axenda: Martes, 6 de xullo de 2010
  • 'Entre a razón e a pel', de Nuria Ruibal

    Zona C

    'Entre a razón e a pel', de Nuria Ruibal

    Procedente da selección de proxectos froito do convenio de colaboración co Máster de Arte Museoloxía e Crítica Contemporáneas da USC, "Entre a razón e a pel" é unha instalación da artista Nuria Ruibal comisariada por Ana Amado. Un percorrido que fala da vulnerabilidade do ser humano e o seu eu máis íntimo e das barreiras das que dispón para defenderse e relacionarse co mundo exterior; a temida é a vez desexada mirada do outro.

  • 'A viaxe polar'

    Actividades nas rúas de Compostela

    'A viaxe polar' Carlos Caraglia

    Mostrar os efectos do quentamento global sobre os Polos, a súa inmensa beleza, a fauna que o habita e o importante papel que desempeña no equilibro do planeta. Estes son os obxectivos cos que foi concibido o proxecto A viaxe polar, cuxa exposición iniciará en Santiago de Compostela un ciclo que lle levará a diferentes cidades españolas durante o 2010 e o 2011.

  • Mostra de Carlos Pardo

    Sala Arquinatura

    Mostra de Carlos Pardo

    A mostra componse de óleos e acrílicos sobre lenzo e táboa nos que a Ciudade é protagonista. É unha escolla de obras dos últimos anos do pintor vilagarcián. Paisaxes urbanas non reais nas que se sedimentan elementos de cidades visitadas e imaxinadas, quizais soñadas pero cunha alma única feminina.

  • Biblioteca na Rúa

    Actividades nas rúas de Compostela

    Biblioteca na Rúa

    Grazas á colaboración das Concellerías de Cultura e a de Medio Ambiente do Concello de Santiago coa Biblioteca Ánxel Casal, dependente da Xunta de Galicia, a biblioteca pode difundir a súa existencia na propia rúa, máis próxima aos posíbeis usuarios. Unha persoa pertencente á Biblioteca dará información á xente que se achegue ao posto de Parques e Xardíns sobre o funcionamento da Biblioteca, faralles o carné aos interesados ou interesadas (incluso lles sacará a foto se non a teñen) e entregaralles folletos informativos. Acompañando o traballador haberá unha pequena representación do fondo que posúe a Ánxel Casal: novidades e clásicos de adultos e infantís en diferentes soportes. O persoal da biblioteca estará de 10 a 14 h., o resto do tempo que Parques e Xardíns teña aberta a caseta só se poderán coller os folletos e ver os libros.

  • Os Portais

    Hostal dos Reis Católicos

    Os Portais

    Tres nomes brasileiros, Christina Oiticica, Paulo Coelho e Romero Britto, unidos baixo un único lema. Os Portais é a exposición que reúne dous grandes artistas da arte contemporánea e un da literatura como parte da conmemoración do Ano Xacobeo.

  • Campamento Nanonasa

    10:00 - 14:00 | Sala NASA

    Campamento Nanonasa

    Nanonasa contará con varias actividades dirixidas a promover a creatividade dos cativos e cativas, que traballarán divididos en grupos segundo a súa idade. Así, o obradoiro de música centrarase fundamentalmente na construción de instrumentos musicais inventados e na elaboración de contos musicais e o de teatro traballará co corpo, o movemento, a voz, os obxectos en escena e a creación de personaxes.

  • Tai Chi e Chi Kung

    10:00 - 11:00 | Parque de Bonaval

    Tai Chi e Chi Kung

    Sesión de técnicas de relaxación e exercicio físico tradicionais chinesas ao ar libre. Forma parte do programa Vive o Verán.

  • Ximnasia terapéutica na Alameda

    10:00 - 11:00 | Actividades nas rúas de Compostela

    Ximnasia terapéutica na Alameda

    Exercicio para todos os públicos dentro da programación Vive o Verán 2010. No caso de chuvia, trasládase ao Centro Sociocultural do Ensanche.

  • Coñece a biblioteca Ánxel Casal

    novo 10:00 - 11:00 | Biblioteca Pública de Santiago Ánxel Casal

    Coñece a biblioteca Ánxel Casal

    A Biblioteca Pública Ánxel Casal organiza visitas guiadas todos os martes e xoves pola mañá para dar a coñecer a sala de lectura e os seus diferentes servizos.

  • Interiores do Vía Stellae. Fotografías de Fuco Reyes

    11:00 - 14:00 | Aula Sociocultural Caixa Galicia

    Interiores do Vía Stellae. Fotografías de Fuco Reyes

    Exposición do fotógrafo compostelán Fuco Reyes enmarcada na programación do Ano Xacobeo 2010.

  • Obradoiro de consumo responsábel

    novo 11:30 - 13:30 | Arteria Noroeste

    Obradoiro de consumo responsábel

    Arteria Noroeste, en colaboración con Greenpeace Pontevedra, organiza dúas xornadas destinadas a concienciar os máis pequenos da importancia do consumo responsábel. Os participantes organizaranse en dous grupos en función da súa idade. Ofrecen xogos e divertidas dinámicas para que nenos e nenas comprendan a importancia de consumir menos para vivir mellor. Aprenderán de onde vén a enerxía que consumimos, como se pode aforrar utilizando ben os electrodomésticos e iluminación das nosas casas e, tamén, o fundamento da reciclaxe.

  • Presentación de 'Vida e tempo de Sofía Casanova'

    novo 12:00 | Instituto de Estudios Galegos Padre Sarmiento

    Presentación de 'Vida e tempo de Sofía Casanova'

    O CSIC presenta o libro Vida e tempo de Sofía Casanova (A Coruña, 1861-Polonia, 1958), publicación que percorre o seu labor como escritora e correspondente de guerra e na que se inclúen curiosidades sobre a súa vida e a súa obra. No acto participarán a secretaria xeral de Igualdade da Xunta de Galicia, Marta González; o director do IEGPS, Eduardo Pardo e o coordinador do libro, Antón Pazos.

  • Bibliopiscina

    17:00 - 20:30 | Pavillón Multiusos Fontes do Sar

    Bibliopiscina

    Libros, bandas deseñadas, guías, álbums para os pequenos, libros de entretemento... O verán é tempo de calor, sol e piscina, e tempo tamén de gozar de refrescantes lecturas de lecer nunha actividade enmarcada no programa Vive o Verán.

  • Primeiro concerto express do Festival Via Stellae

    novo 18:00 - 18:30 | Hostal dos Reis Católicos

    Primeiro concerto express do Festival Via Stellae

    O dúo de violíns formado por Anna Alexandrova e Michal Ryczel interpretará obras do compositor barroco alemán Telemann, do pai do clasicismo Joseph Haydn e do húngaro Béla Bartók.

  • Mercado Entre Lusco e Fusco

    19:00 - 21:00 | Parque de Belvís

    Mercado Entre Lusco e Fusco

    Como cada martes, desenvólvese o Mercado entre lusco e fusco, de produtos ecolóxicos e de proximidade, nas terrazas do parque de Belvís. O mercado foi ideado e está coordinado por Andaime, en colaboración coa coooperativa Eirado e os colectivos de produtores/as A Hortiña e Lentura.

  • Tai Chi e Chi Kung

    20:00 - 21:00 | Actividades nas rúas de Compostela

    Tai Chi e Chi Kung

    Sesión de técnicas de relaxación e exercicio físico tradicionais chinesas ao ar libre. Forma parte do programa Vive o Verán.

  • Presentación d'O home que era Xoves'

    novo 20:00 - 21:30 | Libraría Couceiro

    Presentación d'O home que era Xoves'

    2.0 Editora presenta a primeira obra traducida ao galego de G.K. Chesterton, un dos grandes autores da literatura universal cuxa capacidade para axitar as conciencias a través dunha mirada retranqueira, afiada e irónica, continúa plenamente vixente e a bo seguro que non pasará desapercibida para o lector galego actual. Intervirán no acto: Xabier Cid, experto na obra literaria de G. K. Chesterton, e Antón Lado, director editorial de 2.0 EDITORA.

  • 'A bela e a besta', no Via Stellae

    novo 20:30 | Teatro Principal

    'A bela e a besta', no Via Stellae Cécile Roussat, Julien Lubek

    Le Schemil Théâtre representa A bela e a besta, un espectáculo de pantomima baseado nas óperas de Grétry. A obra combina mimo, danza, acrobacia, maxia, teatro de marionetas e música. As óperas do compositor francés Modeste Grêtry e a música de dous grandes mestres como Haydn e Mozart constitúen o substrato musical dunha viaxe teatral fantástica, poética e humorística creada polos responsables artísticos da compañía francesa Shlemil Théâtre.

O que vai vir
  • Palmarés Curtocircuíto 2010 12/08/2010 Este xoves poderemos ver as curtas gañadoras do último festival Curtocircuito. Velaí van os títulos...
  • La Otrabanda 17/08/2010 La Otrabanda é un proxecto musical integrado por venezolanos vivindo no exterior, creado para compartir as súas cancións, inspiradas pola música popular e folclórica venezolana, que reflexan a actual idiosincrasia dese país de forma fresca e optimista.
  • Mine Kawakami 24/08/2010 A prestixiosa pianista e compositora Mine Kawakami fai a súa particular peregrinación polo Camiño de Santiago cunha serie de concertos inspirados na Ruta Xacobea.
  • Xoán Curiel Cuarteto 12/08/2010 Xoán Curiel reuniu as súas creacións en lingua galega no álbum 'Nai'. Nel Curiel canta á figura da nai e á terra.
  • In Reverse 17/08/2010 De formación recente, o cuarteto In Reverse nace coa motivación de explorar os ritmos funk e soul desde os seus inicios ata os nosos días, mesturando estes con elementos do jazz, estilo común para os catro músicos.

No cinema
Exposicións