Destaques

O catálogo dixital dos novos artistas

(05/03/2010) O VI Premio Auditorio de Galicia para novos artistas volveu cumprir o seu obxectivo de botar luz sobre algunhas das mentes máis creativas do panorama artístico galego máis novo. Agora as obras dos 35 artistas seleccionados reúnense no catálogo da exposición. Un catálogo que se presenta en formato dixital para facilitar o seu manexo e permitir un achegamento máis completo a todas as obras.

Ver só destaques de plástica | Seguir lendo

'Idiotas' de Toméo Vergés, entre o teatro e a danza

(05/03/2010) Desde a súa creación en 1992 polo coreógrafo catalán Toméo Vergès, a Compañía Man Drake mantén un traballo artístico na fronteira entre o teatro e a danza, e un e outra se contamina nun continuo estado de fricción. De novo volve ocorrer en Idiotas, o espectáculo que a compañía presenta o 10 de marzo ás 21 horas no Teatro Principal dentro do ciclo Teatro e Danza en Xira 2010.

Ver só destaques de teatro e danza | Seguir lendo

A tradición vestida de pop de Roi Casal

(02/03/2010) Sons da Diversidade presenta un dos músicos galegos con mellor presente e futuro: Roi Casal. Levará ao directo o seu disco Lendas douradas, no que unha ducia de cancións que mesturan sons que levan en Galicia dende antes da Idade Media, como o da zanfona e o da arpa, con matices pop do século XXI. A calidade das composicións e a perfecta interpretación e posta en escena dos temas caracterizan un concerto no que se fusionan tradición e modernidade.

Ver só destaques de música | Seguir lendo

Últimos días para ver as obras dos artistas novos no Auditorio

(22/02/2010) O Auditorio de Galicia organizou por sexto ano o Premio Auditorio de Galicia para Novos Artistas. Á convocatoria deste ano presentáronse 158 traballos. 35 desas pezas están amósanse ata o 28 de febreiro na sala de exposicións do centro. Entre elas está 'Reflexos: réplicas (Diálogos en Unland)', coa que a pontevedra Holga Méndez obtivo o primeiro premio, dotado con 6.500 euros.

Ver só destaques de plástica | Seguir lendo

Regresa o Fórum Gastronómico

(20/02/2010) Os mellores cociñeiros do mundo voltan a Santiago ao Fórum Gastronómico que celebra a súa décimo primeira edición na capital galega do 20 ao 24 de febreiro. Ferrán Adrià, Pierre Gagnaire ou Jacob Mielck son algunhas das figuras da gastronomía internacional que amosarán as súas artes culinarias no Recinto Feiral de Amio. Catas, concursos, exposicións, obradoiros ou sesións de cociña en directo son algunhas das actividades que se desenolverán dentro do Fórum.

Ver só destaques de varios | Seguir lendo

As cidades patrimonio da humanidade como platós

(16/02/2010) As trece cidades españolas declaradas Patrimonio da Humanidade pola Unesco promocionan a arte e a cultura a través dun ciclo de de cine. Do 22 ao 28 de febreiro, poderán verse no Teatro Principal trece filmes rodados nestas cidades, datadas entre 1922 e 2008. Santiago de Compostela estará representada por A noite que deixou de chover, de Alfonso Zarauza.

Ver só destaques de cinema | Seguir lendo

Melancolía e emoción con Rodrigo Leão

(12/02/2010) O de Rodrigo Leão é un dos concertos máis agardado desta edición do ciclo Sons da Diversidade. Capaz de emocionar coas súas composicións, no seu último disco, A Mãe, volve máis instrospectivo e nostálxico que nunca. Un concerto para gozar das texturas melancólicas que arroupan as melodías tecidas polo compositor portugués.

Ver só destaques de música | Seguir lendo

As 'Grandes batallas' de Antía Moure

(11/02/2010) Con apenas 28 anos, Antía Moure (Monforte de Lemos, 1981) é unha das creadoras novas máis interesantes da arte galega. Na Zona "C", o espazo xestionado pola Concellaría de Cultura e Centros Socioculturais, presenta unha nova mostra: 'Grandes batallas', na que volve a explorar o sentido e a trascendencia do tempo e dos lugares.

Ver só destaques de plástica | Seguir lendo

Danza contemporánea co 'Macho' de David Loira

(03/02/2010) David Loira formaba con Rut Balvís Pisando Ovos, unha das compañías máis interesantes da danza contemporánea. Agora, ten a súa propia compañía, Dloira, e desde ela ofrece un espectáculo que reflexiona sobre a identidade, o respecto e a liberdade. O mércores 10 e o xoves 11 abre no Teatro Principal a programación de 2010 de 'SCQ Danza'.

Ver só destaques de teatro e danza | Seguir lendo

Volve o Obradoiro do Espectador

(18/01/2010) A Rede Municipal de Centros Socioculturais presenta a terceira edición do Obradoiro do Espectador, unha actividade que o Concello leva a cabo en colaboración coa Sala Nasa. O obxectivo é achegar ao público ás artes escénicas contemporáneas, proporcionándolles coñecementos para unha maior comprensión e diversión. Unha proposta dirixida tanto a espectadores experimentados como a persoas que queiran iniciarse no goce do teatro.

Ver só destaques de teatro e danza | Seguir lendo

Compostela cultura